[001] En
notre court de Rochesfort, se sont comparuz et represantés en personnes devant nous Pierres de Beauboays
[002] escuyer, seigneur de Cathonnet, filz aisné et heritier principal et noble presumptif et atendant de nobles home Francoys
[003] de Beauboays, seigneur de Beauboays, son pere, et noble damoyselle Margarite de Beisic, fille aisnée de feu noble escuyer
[004] Guillaume de Beisit en son vivant
seigneur de Beisit, d'une partie, et noble escuyer Jehan de Beisit seigneur de Beizit, frere
aisné
[005] dicelle Margarite de Beisit et heritier principal et noble
dudit deffunct Guillaume de Beisit, d'
autre partie, se submectans
[006] les
dessusdits nommez et checun
deulx et deffait se sont submit et submectent
entreulx et touz leurs biens et par leurs
sermenz au povoir de
ladite
[007] juridicion, seigneurie et obeissance de
notredite court quant a tout ce qui ensuyt faire et tenir lesqueulx Pierres de Beauboays,
[008] Margarite de Beisit et checun
deulx ont dit et remonstré en
notre presence audit Jehan de Beisit avoir volunté et
affection de
[009] contracter mariage ensemble et combien qu'ilz aint bonne volunté de le faire toutesfoiz ilz doubtent et croygnent que
[010] ledit seigneur de Beauboays pere
dudit Pierres de Beauboays et ses aultres amys ne veillent se consentir
audit mariage
[011] se
ledit seigneur de Beisit ne baille en assielte le doct et
promesse de l'asielte qui a esté
dudit seigneur de Beauboays
promise, bailler
[012] et assoire
audit de Beisit, Jehanne de Beauboays, sa
femme qui est fille seulle
dudit seigneur de Beauboays, au mariage faisant
[013] deulx deux qui est saexante livres de rente et la bailler celuy de Beisit et sa
femme esdit Pierres de Beauboas et Margarite
[014] de Beisit en doct et
promesse dudit mariage ou semblable
somme de rente et revenues pour touz les droiz part
porcion et
[015] avenant apartenant a
ladite Margarite de Beisit par
cause de la subcession
dudit deffunct Guillaume de Beisit pere
desdits
[016] Jehan et Margarite de Beisit. Et mesmes pour touz les droiz part porcion et avenant qui pouroit
[?competer?]
[017] et apartenir a
ladite Margarite de Beisit par
cause de la subcession de noble damoyselle Marie de Boaisbrassu
[018] mere
desdits Jehan et Margarite de Beisit jaczoit que celle Marie soyt encore en vie et sa subcession a eschoirs
[019] a l'ocasion de quoy si
ledit de Beisit ne le voulloit consentir, pourroyt estre
leurdit mariage impesché. Et ont prié et
[020] requis
iceulx Pierres de Beauboays
ladite Margarite de Beizit et
chacun deulx ledit Jehan de Beisit de leur faire
ladite promesse de saexante
[021] livres de rente pour
lesdits droitz en doct et
promesse dudit mariage affin que
ledit seigneur de Beauboays et ses
aultres amys se consentent
[022] audit mariage et qu'il soyt fait et poier honneur dicelle
promesse. Promectant
ceulx Pierres de Beauboays, Margarite
[023] de Beisit et
chacun deulx o le
consentement l'un
deulx de l'
autre audit et juré par leurs
[024] sermenz ainsi faire et tenir. Et
neantmoins quelque
promesse, obligacion, quictance et atournance qu'il en fera ou face
que neantmoins
[025] icelles soit
par meuble ou
heritage qu'il en demeure quicte. Et deffaict
oudit cas l'en ont quicté et quictent
desdits droitz et
promesse
[026] qui leur
sera par luy
fecte ou
promesse par leur baillant et feisant assielte du
numbre de quarante livres de rente et
[027] leur poyant et baillant
oultre lesdites quarante livres de rente la
somme de deux cents livres
monnoie ce que
ledit Jehan de Beisit
[028] a voullu et consenty et
promis faire
esdits Pierres de Beauboays et Margarite de Beisit. Parmy ce que et
aultrement [??]
[029] celuy de Beisit contre
iceulx Pierres de Beauboays, Margarite de Beisit et
chacun deulx o le
consentement l'un
deulx de l'
autre ont quicté et quictent
[030] iceluy de Beisit pour luy et ses hoirs
desdites promesses et doct de mariage pour touz
lesdits droiz
dessus supposez en meuble et en
[031] heritage qu'il leur fera et s'oblige a faire et
neantmoins iceulx jaczoit qu'ilz soint a plus grant
numbre de rente et
aultres biens et
[?quel?]
[032] [??] qu'il leur en fera de les assoirs et bailler. Par leur faisant assielte
dudit numbre de quarante livres de rente et leur baillant
[033] et poyant deux cents livres
monnoie oultre. Ce qu'il ont
promis et s'oblige faire et l'ont quicté et quictent iceluy de Beisit
desdits
[034] promesses, quictances et
atournances qu'il fera
audit mariage feisant. Et les choses et checune
dessurdites ont
promis et se sont
[?obligez?]
[035] obligent les
dessurdits et checun
deulx checun pour ce que luy touche ainsi tenir,
fournir et
loyaument acomplir et sur l'ypotecque et
obligacion de
[036] touz et
chacuns leurs biens sans james aller ne venir en
contre par terme de parlier pour juge, exoine,
plegement, arrest,
opposicions
[037] a quoy ilz ont
renuncé et
renuncent. Et par expres ont
lesdits Pierres de Beauboays, Margarite de Beisit et
chacun deulx renuncé a
[?relevement?]
[038] et grace de prince,
relaxacion de leur
sermentz de prelat, avoir ne obtenir et si aulcune en
[?oblovoitre?] [?aptz?] joir
[?enevis?] de ce
[?poirons?]
[039] sourprinse, alléguer, ne
proposer. Et
ladite femme au droit de Velleyen par nous leur exposer et qui leur peuvent nuyre ou ayder.
[040] Et a toutes
aultres excepcions
[?ciiiiillacions?] qui ces
presentes pourroint impescher en aulcune
maniere. Et ainsi l'ont
[?premier?] fait
[041] juré tenir
iceulx Pierres de Beauboays, Margarite de Beisit et
chacun deulx par leurs
sermens et sur l'ypotecque et
obligacion de touz
[042] et checuns leurs biens meubles, d'
eritages presentz et avenir. Et nous de leurs
assentemenz par
notre dite court les y avons
[043] condempnez et condempnons. Donné tesmoign le seau estably aux contraz de
notre dite court. Et fut fait et greyé ou manoir
[044] et
herbregement de Beisit le quinzeyesme jour de decembre l'an mill quatre cents quatre vignt dix neuff.
de Noal, de Bodrasse
