<1 recto>
[001] Saichent touz que en nostre court de Derval a Guemené en droit s'est comparu en personne par devant nous honneste
[002] chappelain dom
Guillaume Ameline dit Vallée ou nom de luy et de ses autres freresches
* et consors si aucuns sont, et pour lesqueulx
[003] celuy dom
Guillaume Ameline a promis et s'est obligé sur tout le sien meuble et heritaige present et a venir faire ce present
[004] contract sur
et vallable, se submectant et deffait s'est submis et se submect ledit dom
Guillaume Ameline et esdiz noms luy et tout
[005] le sien et par son serment au povoir d'estroict juridicion, seingneurie et obbeissance de
notre dite court quant a tenir tout le contenu
[006] en cestz presenctes et qui
eussent lequel dom
Guillaume Ameline et esdiz noms sans nul ne aucun preforcement mes a sa requeste
[007] et pour ce que tres bien luy plaist, a esté congnoessant et confessant et par cestz
presenttes congnoist et confesse
[008] avoir vendu, baillé, livré, octoié, ceddé et transporté, vend, baille, livre, octoie, cedde et transporte a james par heritages
[009] pour luy et ses hoirs a noble damoisselle Marie de Sainct Gilles, damme de la Chasteingneraye,
presente, prenante et acceptante
[010] pour elle et ses hoirs et audit tiltre de vente, c'est assavoir le nombre de treze soulz quatre deniers de rente en
chacun
[011] an aux termes demy aougst et de Nouel par moitié en principal et erreages, diceulx treze soulz quatre deniers de rente
[012] ledit dom
Guillaume Ameline dit et afferme lui devoir savoir Michel Nouel de Lezin et Guillemecte Lemain sa femme, Jehan
[013] Abelin, filz de
Guillaume Abelin, Pierres Ricordel de Baretz, Pierres Hemery et Bertranne Levrand sa femme,
Guillaume Couriolle
[014] ou nom et comme tuteur et garde de Denis Couriolle et Jehan Couriolle, enfens de feu Yvon Couriolle et autres leurs consors
[015] sur le fié
[?es tortes?] et sur le fyé de la Claincheraye tenuz de la seingneurie de la Chasteingneraye en juridiction et obboissance
[016] ainsi que a congnu ledit dom
Guillaume Ameline. Et esqueulx nommés si dessus celuy dom
Guillaume Ameline et esdiz noms a promis
[017] en faire ajournance et congnoissance vallable a
ladite damme de la Chasteingneraye dedans la
notre dame my ouest
prochaine venant
[018] et fut
ladite vente ainsi faicte pour le pris
numbre et
somme de traize livres quatre soulz bonne et forte
monnoie payée en
[019] notre presence en
monnoie. Et du tout dicelle somme dessus
dite, celuy dom
Guillaume Ameline s'est tenu et tient a comptant et bien
[020] payé de
ladite Marie de Sainct Gilles et l'en a quictée et quicte avecques de la somme de seix soulz dicte
monnoie queulx ont
[021] esté despencés en faissant et parlant s'est contract. Et partant s'est ledit dom
Guillaume Ameline, il et
esdits noms pour luy et
[022] ses hoirs dudit nombre de traize soulz quatre deniers de rente en principal et erreages ainsi vendus et transportez
[023] comme dit est, dessaesi, desvestu et departy du tout en tout au profilt et intencion de
ladite Marie de Sainct Gilles et l'en a
[024] vestu et saesie. Et par l'octroy et passement de cests
presentes lui en avons baillé
[?entiere?] proprieté et
[??] plainere
[025] pocession pour en jouir ou temps avenir comme de sa
propre choses sans ce que ledit dom
Guillaume Ameline y puisse james riens
querir
[026] ne demander. Anczoays a promis et s'est obligé celuy dom
Guillaume Ameline et esdis noms sur hypothecque et obligacion de tous
[027] et
chacun ses biens meubles et heritaiges presens et avenir queulxconques faire a ladite Marie de Sainct Gilles, damme
[028] de la Chasteingneraye dudit
numbre de traize soulz quatre deniers de rente ainsi vendus et transportés comme dit est
[029] desseus et garentage vallable de tous vers tous et contre tous a james par heritaige nonobstant usement ou coustume
[030] de pays adce contraires. Et mesmes a esté dict et appoincté entre ledit dom
Guillaume Ameline et
ladite Marie de Sainct Gilles
[031] que iceluy dom
Guillaume ne pourra nullement transportés ne aliennez le parsus des autres rentes a deniers, dixmes ne autres
[032] debvoirs a luy deues sur lesdit fyés
[?estortes?] et de la Claincheraye a nulles personnes queulxconcques jucques adce que
[033] icelle damme de la Chasteingneraye en soit tout premier en reffus poyant raisonnable pris a l'esgart de
[??] congnoesse
[034] et en preiudice que ilz ne lui demeurent ypothecques et obliges au garentage
dudit nombre de traize soulz quatre
deniers
[035] de rente ainsi vendus et transportés comme dit est si devant. Renunczant et deffait a renuncié et renunce ledit dom
Guillaume
[036] Ameline et esdis noms a toutes exceppcions, deceppcions a soy pleger a proposer aquerre ne avoir terme de parlier jour juge
[037] jour a
venir a exame dire ne mambré, et a toutes autres exceppcions et dillacions queulxconques qui contre la teneur effet
[038] divins et substance de cests presentes pourraint estre dictes obbicées ou a proposées. Et toutes et
chacunes les choses dessus
dites
[039] ont promis et jure tenir
lesdites parties et
chacun pour son
interrestz et esdis noms et par leurs sermens sans james aller a l'
encontre
[040] et de leurs assenctementz et a leurs requestes y ont esté par le jugement de nostre
dite court par nous jugés et condempné,
[041] jugeons et condempnons. Donné tesmoign de ce le seau estably aux contracts dicelle, ce fut faict, gréé et
octrié[sic]
[042] ou bourg d'Avescac en la meson des enffens de
Guillaume Thomas en laquelle meson demeure a present Pierres Guerin,
[043] marechal, le vignt ungniesme jour de janvier l'an mil cinq cens doze.
