<01 recto>
[001] Henry filz aisné du roy, daulphin de
[002] Viennoys, duc de Bretaigne, comte
[003] de Vallentinoys et de Dioys, a noz amez
[004] et feaulx conseilliers les gens
tenans
[005] nostre conseil en ce nostre pays
[006] et duché de Bretaigne, salut et
[007] dillection de la part de nostre cher
[008] et bien amé Claude de Malestroict
[009] sr de
Keraer, nous a esté remonstré
[010] comme puix l'an il auroict obtenu
[011] mandement de maintenue en la
[012] possession en laquelle il disoict
[013] estre d'avoir lisiere et ceincture
[014] en l'eglise de Sainct Franczoys de
[015] Vennes armoyée de ses armes et
[016] icelles lettres publiées a l'
entherinement
[017] desquelles se seroict opposée nostre chere
[018] et amée cousine Suzanne de Bourbon
[019] veuffve de feu nostre cher et bien amé
<1 verso>
[020] cousin le sires de Rieulx, et faict donner
[021] adjournement a dire causes de
[022] l'impetration desdictes lettres et
[023] certain terme qui est escheu
auquel
[024] terme y avoit adjournement pendant
[025] avec
notre procureur general et
ledit
[026] supplyant ou restoit audict suppliant
[027] fournir d'escriptures respondant a celles
[028] qui dernierement avoint esté
fournies
[029] de la part dudict procureur general
[030] et pour ce que entre le dernier
[031] pledeye qui avoit esté entre
notre
[032] procureur general et ledict suppliant
[033] estoit necessairement requis a
[??]
[034] audict
suppliant ce que la avoit esté
[035] agité avecques ledict procureur general
[036] [?convenut?] au procureur dudict
suppliant
[037] envoyer vers luy qui estoit au plesseix
[038] de
Keraer distant de nostre ville de Rennes
[039] ou est la seance de
notre conseil de
<2 recto>
[040] vignt quattre lieues ou envyron pour
[041] satiffaire aux escriptures dudict
[042] procureur general ledict suppliant
[043] pour sercher les lettres luy requises
[044] tant par la justification de l'
impetracion
[045] de ses lettres de maintenue que
[046] de ses allegences contre ledict
procureur
[047] general retenut par quelque peu
[048] de temps ung messaigier lequel il
[049] envoya de temps compectant
expressement
[050] pour estre en ceste nostre dicte ville
[051] de Rennes
ledit lundi dixiesme
[052] de decembre dernier pour le mardi
[053] ensuyvant deffendre contre ledict
[054] procureur general et proceder
avecques
[055] ladicte dame de Rieux au terme qu'il
[056] deppendoit audict mardi unzeiesme
[057] dudict moys de decembre, auquel
[058] jour obteneurent
lesdictz procureur general
<2 verso>
[059] et dame de Rieulx deffault
contre
[060] ledict
suppliant pour raison
que le
[061] messaigier que ledict suppliant
[062] avoit despeché et envoyé des le
[063] vendredy precedant ledict terme
[064] fut assailly baptu et destroussé
par
[065] brigans et gueteurs de chemins
[066] jucques a presque extermination de
[067] sa vie en maniere qu'il contient le
[068] apporter du lieu ou il fut assailly
[069] jucq a Breal ou peu par dela par
[070] deux hommes et tellement fut
[071] invallide de sa personne qu'il ne peult
[072] apporter en ceste ville les instructions
[073] dudict suppliant et depuys a esté
[074] ledict suppliant adjourné pour veoirs
[075] adjuger profilt dudict deffault
[076] a proceder en principal. Nous
suppliant
[077] ledict
sr de
Keraer le relever
allencontre
<3 recto>
[078] desdictz deffaulx et proffilt diceulx
[079] offrant et offre payer despans a esgard
[080] de justice et aultrement sur et
[081] touchant ce que dessurs
pourveoirs audit
[082] suppliant de nostre remede de justice
[083] convenable et luy octroyer notz lettres
[084] de provision a ce necessaires
humblement
[085] requerant icelles. Pour nous
lesdites
[086] choses considerées desirans a chaincun
[087] de notz subiectz son bon droict garder
[088] et audict suppliant en cest endroict
[089] subvenir et ayder sellon l'exygence du
[090] cas vous mandons et pour ce que la
matiere
[091] est devant vous pendante commectons
[092] parties
presentes ou deubment
appellées
[093] s'il appiert de donné a enctendre
[094] cy dessus ou de tant que suffira
[095] relever et restituer ledict suppliant
[096] lequel par ces presentes de notz
auctorité
<3 verso>
[097] et grace special relevons et restituons
[098] allencontre du proffilt et droict oultre
[099] desdictz deffaultz a povoir neantmoins
[100] iceulx satiffaire aux escriptures de
[101] nostredict procureur general et
[102] dame de Rieulx tout ainsi qu'il
[103] eust faict ou peu faire auparavant
[104] lesdictz deffaulx neantmoins iceulx
[105] et ce qu'est cy dessur remonstré rigueur
[106] de droict ou aultres choses contraires
[107] payant ledict supplyant despans
[108] diceulx deffaulx et des que s'en est
[109] enssuy et aultres telz que de raison
[110] de quoy faire vous avons donné et
[111] donnons plain povoir
auctorité commission
[112] ou mandement special et a notz
[113] huyssiers sergens et chaincun de faire
[114] les esplectz de justice pertinens
<4 recto>
[115] faisant deue relation car il nous
[116] plaist. Donné a Rennes le
[117] douzeiesme jour de janvier l'an
[118] de grace mil cinq centz quarente
[119] troys ainsi signé par
monseigneur
[120] le daulphin et duc a la relation
[121] du conseil, Morice. A la requeste de Romain
[122] Blondeau,
procureur de noble et puyssant Claude
[123] de Malestroit sires de
Keraer j'ay signifié les
[124] lettres dont la
coppie est cy devant escripte
[125] a
me
[126] Pierre Esveillard,
procureur de dame Suzanne
[127] de Bourbon,
damme douairiere de Rieux
s'estante portée curatrixe
[128] de Claude sires de Rieux, son filz, en luy
[129] intimant que en l'
endroit de la
prochaine expedicion
[130] qui sera faicte entre
lesdits sires de
Keraer
[131] et
ladite dame ou
conseil de
cedit pays
[132] ledit sires de
Keraer entend requerir et
[133] avoir
entherinence desdites lettres vers
ladite
[134] dame et
audit Esveillard
oudit nom ay
[135] lessé la
presente coppie [?sens myse?] en
presence
[136] de Michel Ferré
et Gilles Josset mes
[137] records le quinzeme jour de janvier l'an mil
[138] cinq cens quarante troys.
