Cette transcription a été réalisée par Nicole Dufournaud pour son mémoire de thèse et est consultable à l'URL suivant : http://nicole.dufournaud.net/these/. Si vous utilisez ce document pour une publication, prière de référencer le mémoire de thèse:
DUFOURNAUD Nicole, Rôles et pouvoirs des femmes au XVIe siècle dans la France de l'Ouest, thèse dirigée par André Burguière, EHESS, France, septembre 2007, 2 volumes, 1 CD rom.
et si vous l'utilisez en ligne, prière de référencer l'URL du document.
This transcription has been done by Nicole Dufournaud for her PhD Thesis and is available at: http://nicole.dufournaud.net/these/. If you use this document for a publication, please cite the PhD Thesis; if you use it online, please reference this URL.

Cette création est mise à disposition sous un contrat Creative Commons "Paternité - Pas d'utilisation commerciale - Pas de modification".
This work is licensed under a Creative Commons "Attribution-Noncommercial-No Derivative Works" 2.0 France License.

---

<01 recto>
[001] Comme ainsin soict que par cy devant et des le vingt sixiesme
[002] jour de juign l'an mil cinq cens cinquante cinq, accord et
[003] societté se seroint ensuiz entre Pierre Garion et
[004] Gabrielle de La Fontenelle sa femme d'une part et Volentin
[005] Garion pere dudit Pierres d'aultre part, lors demourans
[006] respectivemant en la parroisse de Sainct Jacques de
[007] Tonnaye au vilaige de la Tuée de tous et chacuns
[008] leurs meubles et acquestz et jouissances de leurs
[009] heritaiges qu'ilz feroint pendent le temps de leurdite
[010] assotiation et communité en laquelle ilz auroint parlé
[011] ensemblemant par longue espace de temps pendent
[012] lequelle seroict decebdé ledit Volentin Gariou et dellessé
[013] ses enffens et heritiers ledit Pierres et Jacques les Garionz
[014] et Jehanne Dupont femme de Estienne Begaud, fille
[015] de Pierre Dupond et Honorée Garion fille dudit feu
[016] Volentin sans avoir aulchunemant faict partaige ny
[017] division de leurs dites communités lequel ilz ont faict
[018] entreulx seullemant desdits biens meubles dicelle
[019] depuix les huict ans derniers sans toutesfois
[020] avoir vuydé et termyné en ce faisant et tans
[021] esperans qui pourroint tomber entre eulx touchant
[022] entre aultres choses le [?reservipcion?] que debvoict estre
[023] faict audit Pierres Garion sur lesdits meubles lesquestz
[024] de la somme de quatre vingtz livres pour une
[025] part et quarante livres pour aultre que auroict
[026] [?reyns?] en ladite comunité provenante de l'allienations et
[027] transport qu'il auroict faict avecq Gabrielle de la
[028] Fontenelle sa femme de ses droictz successiffz que
[029] luy apartenoyent a cause de la succession de
[030] Jehan de la Fontenelle escuyer vivant sr de la Violence <1 verso>
[031] en la parroisse de la Coquethaine mesmes des
[032] profiltz de la somme de quarante livres jusques a present
[033] depuix le temps qu'elle auroict tombé en ladite comunité
[034] lesquelles sommes et profiltz de la somme de quarante
[035] livres du temps susdit il voulloict et entendoict
[036] demander vers les susdits ses co heritiers heritiers dudit
[037] feu Volentin Gariou leur pere commun
[038] se qu'il auroict obmis a fere en faisant entreulx
[039] ledit partaige des biens meubles de ladite communité
[040] sinon la maison et logix par luy faicte et bastye
[041] de neuff audit village de la Tuée pendent ladite
[042] communité luy eust demourée pour ladite somme
[043] de quarante livres et profetz d'elle ou il l'auroict
[044] employée en leur faisant rescompance en fons et
[045] emplacemant dicelle seullemant se qu'il auroict
[046] offert et eust encores faict offre de ce
[047] faire sur lesquelz differans et autres
[048] que eussent peu par an apres intervenir entre
[049] luy et ledit Jacques Garion son frere pour
[050] l'esfect de ladite communité d'offres presupposée
[051] faicte et passée par notre court de Nantes et
[052] de Rais audit Thomaye par Perraudeau et Guillou
[053] passez ou ilz eussent peu tomber [??] grandz
[054] [??] proces et fraiz et myses pour ausquelz
[055] obvier et continuant entre eulx l'amytyé et fraternité <2 recto>
[056] qu'ilz ont de tout temps entre ensemble et pour
[057] ce sachent tous que en notre court royalle dudit Nantes
[058] [??] ont esté presents et personnellemant establiz devant
[059] nous notaires dicelle avecques submission et prorogacion
[060] de juridiction a icelle par sermant jurée et [?lesdits?]
[061] Pierre et Jacques les Gariouz demourans
[062] [?estant?] ledit Jacques au bourge de Tonnaye et ledit
[063] Pierre aulx village de la Tuée entre parroisse
[064] de Tonnaye lesquelz ont acordé ce que
[065] ensuilt, scavoir que ledit Jacques
[066] Gariou a cedé quicté et delaissé a james
[067] perpetuellement pour luy et ses hoirs sa part
[068] et portion de ladite maison faicte
[069] de neuff pendant ladite [??]
[070] [?est?] [??] aux villaige de la Thuée
[071] audit Pierre son frere a quelque caise
[072] qu'il y eust en droict ladite maison
[073] apellée la maison neuffve par ce que aussi
[074] en ce faisant ledit Pierre a aussy quité ledit
[075] Jacques son frere de touttes les autres les
[076] actions et demandes desdites rescompances a cause de ladite
[077] comunité et soccietté susdites a quel que cause que ce puisse
[078] estre generallemant et entieremant sans reservation mesmes
[079] demeurent quictent lesdits Jacques et Pierres par sesdites
[080] presentes les uns et les autres de touttes actions
[081] et demandes quelz se feussent peu fere de tout
[082] le temps passé jusques a present a cause dicelle dicte
[083] societté et comunité de [?leurs y [??]?] toutesfois
[084] entre eulx a esté accordé que partage sera par an
[085] apres faict entre eulx deulx des acquestz a partager <2 verso>
[086] de ladite comunité par devant des commissaires
[087] de sur les lieux quelz conviendrent quant bon leur
[088] semblera faisant lequel partage ilz s'acomodrent
[089] amyablemant des heritages que seront trouvés estre
[090] en la commodité de l'un l'autre a esgard de deulx
[091] ou trois personages gens de bien dont ilz conviendrent
[092] pareillemant et ce faisant soint de leurs consentemans
[093] et a leurs requestes mis hors de touz despans
[094] et proces qu'ilz eussent peu avoir ensemble pour les
[095] causes susdites sans aucuns autres [?avans?] ni
[096] despans d'une ni autre part respectivement
[097] et pour ce que ainsin tout ce que de ses ilz ont voulu
[098] assepte promez et jure chacun pour son interestz et le
[099] tenir de point en point y ont partant esté
[100] a par nous notaires soubzsignes avecq l'auctorité
[101] de notrediste court de Nantes jugés et condempné
[102] jugeons et condempnons. Faict et consenti en la
[103] maison et tabler de maistre Francois Billy l'un
[104] desdits notaires soubzscriptz en ceste ville de
[105] Nantes le vingt sixiesme jour de juillet
[106] l'an mil cinq cent soixante dix huict et pour
[107] ce que ledit Jacques Garion a dict ne scavoir
[108] escripre ni signer Pierres Davy sur ce present a
[109] signé [??] lesdits jour et an.

Pierres Gariou, Davy, Davy, notaire royal, Charier notaire royal