<01 recto>
[001] Aulx plaids de la court de la prevosté de
[002] Nantes tenuz par monsieur le prevost
[003] dudict lieu le lundy vingt septiesme
[004] jour d'apvril mil cinq cens quatre
[005] vingtz dix huict, a comparu
maistre Jan Milhaud
[006] procureur d'honnorables personnes Gabriel
[007] de la Gasne l'ung des maistres cirurgiens
[008] audict Nantes et Marye Braille sa femme
[009] lequel a remonstré que par contrat faict
[010] et passé par la court de Nantes par
[011] Guillet et Chebuet, notaires d'icelle, le
[012] dix septiesme jour de feubvrier mil cinq
[013] cens quatre vingtz dix huict, feurent
[014] presantz honnorable homme maistre
[015] Pierre Beritaud, sieur de la Berraugeraye,
[016] procureur fiscal de la baronnye d'Ancenys
[017] faisant tant pour luy que pour Lucresse
[018] Bricet, sa femme et compaigne,
[019] a laquelle il promict faire ratifier,
[020] et maistre Jan Bricet praticien
<1 verso>
[021] en court
[?laye?] demeurant audict Nantes
[022] paroisse de Sainct Vincent lesquelz et
[023] chacun congneurent et confesserent
[024] avoir pour eulx leurs hoirs et causaians
[025] vendu quicté delaissé et transporté
[026] et deffect vendirent et transporterent
[027] avecq promesse de garantaige chacun
[028] d'eulx principal vendeur tenu et obligé
[029] insolidum o les renonciations requises
[030] ausdictz de la Gasne et femme demeurantz
[031] audict Nantes paroisse de Sainct Saturnyn
[032] presantz et acceptans pour eulx leurs
[033] hoirs et causaians a jamays au
[034] temps advenir par heritaige, scavoir
[035] est ung corps de logix couvert de
[036] pierre d'ardoize assez viel et antien
[037] composé d'une cave, bouticque surpendue,
[038] deulx chambres haultes, une estage
[039] et ung grenier au dessus ainsy qu'il se
[040] poursuilt et contient en fons
<2 recto>
[041] d'offices et superfices sans
[042] reservation sys et sytué au
[043] carouer des changes dudict Nantes
[044] et auquel se tiennent encores
[045] a presant lesdictz acquereurs et
[046] auparavant deffunct maistre Pierre
[047] Bricet pere desdictz Bricetz et a
[048] eulx escheue par son deceix joignant
[049] d'ung costé maison a Robert Choucquet
[050] maistre appotecquaire, d'aultre costé
[051] maison a deffunct Jan Leclerc vivant
[052] cierger, par le deriere maison
[053] appartenant a sire Jullien Boucher
[054] et sa femme a cause d'elle et par
[055] le devant ledict carefour des
[056] changes d'unes et aultres partyes
[057] o la charge ausdictz acquereurs de
[058] paier et acquicter au temps advenir
[059] la somme de vingt cinq livres
<2 verso>
[060] tournoiz sy tant en est deu de rante
[061] tant au chapitre de Nostre Dame
[062] de Nantes qu'ailleurs pour toutes
[063] rentes charges et debvoirs quelzconques
[064] fors la rente de Toussainctz et
obeissance
[065] a ladicte court de la prevosté de laquelle
[066] ledict logix est prochemant tenu
[067] et sy aultres rentes estoinct deues
[068] lesdictz vendeurs et chacun promuidrent
[069] en faire l'acquict et en garantir
[070] et acquicter lesdictz de la Gasne et
[071] femme, et feut oultre ladicte
[072] vente faicte a gré de partyes
[073] pour et moiennant la somme
[074] de douze cens cinquante escuz
[075] solz vallantz troys mil sept cens
[076] cinquante livres
tournoiz de laquelle
[077] somme lesdictz acquereurs en paierent
[078] contant et reellemant la somme
<3 recto>
[079] de unze cens cinquante livres
tournoiz
[080] ausdictz vendeurs quy les en quicterent
[081] et le surplus montent cent escuz
[082] lesdictz acquereurs le promuirent
[083] payer ausdictz vendeurs dans
[084] le premier jour de may prochain
[085] sur tous et chacuns leurs
[086] biens. Et partant dudict logix
[087] cy dessus et appartenances sans
[088] reservation lesdictz vendeurs et
[089] chacun se desisterent
et departirent
[090] en fons proprieté signeurye saesine
[091] et pocession au profilt et utillité
[092] desdictz acquereurs et des leur pour
[093] en jouir user faire et disposer
[094] a jamais au temps advenir comme
[095] de leur aultre bien et heritaige.
[096] Item que au mesme temps de la
[097] celebration dudict contract lesdictz
<3 verso>
[098] acquereurs feurent mys et
[099] induictz en la reelle et effectuelle
[100] pocession de ladicte maison sans trouble
[101] ou empeschemans. Item que par
[102] acte du dernier jour dudict moys
[103] de feubvrier dict an cinq cans
[104] quatre vingtz dix huict faicte et
[105] passée par maistres Pierre Dupas
[106] et Christofle Bruny, notaires royaulx,
[107] ladicte Lucresse Bricet femme
[108] dudict Beritaud de luy suffizament
[109] auctorisée a sa requeste apres
[110] avoir ouy et entendu de mot
[111] a aultre le contenu dudict
[112] contract de vente cy devant mentionné
[113] qu'elle dist bien entendre icelluy
[114] loua ratiffya et approuva voullut
[115] et eut agreable qu'en sortes a son
[116] plain et antier effect substance
<4 recto>
[117] et vertu tout ainsy et de
[118] la maniere qui sy presante eust
[119] esté des le jour
et consentemant
[120] d'icelluy o les submissions et
[121] obligations y contenues.
[122] De tous lesquelz actes cy devant
[123] ledict Milsaud oudict nom a dict
[124] avoir faict faire affin d'appropriances
[125] de ladicte maison cy devant describer
[126] troys banyes sollempnelles
[127] par troys divers jours de
[128] dimenches consecutiffz l'ung l'
autre
[129] sans intervalle ny
discontinuacion
[130] incontinant a l'issue de la grand
[131] messe parochialle et dominicalle
[132] dicte et celebrée chacun desdictz
[133] jours de dimenches en l'eglise
[134] de Sainct Saturnin dudict Nantes
<4 verso>
[135] en laquelle ladicte maison sis
[136] sytuée aulx lieu et heure accoustumez
[137] a faire telz et pareilz explectz
[138] de justice le peuple y estant
[139] congregé et assemblé en grand
[140] nombre la premiere desquelles
[141] dictes banyes feut faicte de la maniere
[142] le dimanche vingt neufiesme
[143] jour de mars dernier dict an
[144] mil cinq cens quatre vingtz
[145] dix huict et les deulx aultres les
[146] deulx dimenches ensuivant
[147] et subsequantz sans intervalle
[148] ny discontinuation, de quoy il
[149] a requys estre receu a informer
[150] presantemant pour passé de ladicte
[151] information qu'il en entent
[152] faire lesdictes banyes estre
<5 recto>
[153] declarés bien et sollempnellemant
[154] faictes suivant la coustume
[155] de ce pays et consequament
[156] lesdictz de la Gasne et femme declarez
[157] vallablemant appropriez de ladicte
[158] maison et appartenances ce que
[159] luy aiant esté permys a ceste
[160] fin ledict Milsaud a produict et
[161] faict comparoir maistre Vincent
[162] Sauvaige sergent royal, Martin
[163] Tulloup et Robert Chesneau ses
[164] themoigns et recordz, tous
[165] lesquelz sur ce presans apres
[166] avoir levé la main et juré
[167] dire verité, ont chacun deulx
[168] dict scavoir ledict Sauvaige
[169] sergent avoir leu et bany
[170] lesdictz actes cy devant en la
<5 verso>
[171] forme et maniere predite
[172] par ledict Milsaud en la presance
[173] de sesdictz themoigns et recordz
[174] dessus noumez et ce plussieurs
[175] aultres, et lesdictz Tulloup et
[176] Chesneau avoir esté presans et
[177] assistans a voirs faire audict Sauvaige
[178] lesdictes troys banyes par troys
[179] divers jours de dimenches
[180] consecutiffz l'ung l'aultre sans
[181] intervalle ny discontinuation aux
[182] lieu et heure et de la forme
[183] et maniere cy devant declarée
[184] sur quoy par monsieur expediant
[185] a esté decerné acte de ladicte
[186] information et certification cy devant
[187] faicte desdictes banyes lesquelles.
<6 recto>
[188] En consequance, il a declaré et declare
[189] bien et sollempnellemant faictes
[190] suivant la coustume de ce pays
[191] et ordonne en estre delivré le
[192] presant acte ausdictz acquereurs pour
[193] leur valloir et servir d'appropriances
[194] de ladicte maison cy devant bournée
[195] et describée ainsy que de raison
[196] et leur a esté decerné acte qu'il ne cest
[197] trouvé aulcuns opposans a la presente
[198] certification de
banye faict lesdicts jour et an.
