Cette transcription a été réalisée par Nicole Dufournaud pour son mémoire de thèse et est consultable à l'URL suivant : http://nicole.dufournaud.net/these/. Si vous utilisez ce document pour une publication, prière de référencer le mémoire de thèse:
DUFOURNAUD Nicole, Rôles et pouvoirs des femmes au XVIe siècle dans la France de l'Ouest, thèse dirigée par André Burguière, EHESS, France, septembre 2007, 2 volumes, 1 CD rom.
et si vous l'utilisez en ligne, prière de référencer l'URL du document.
This transcription has been done by Nicole Dufournaud for her PhD Thesis and is available at: http://nicole.dufournaud.net/these/. If you use this document for a publication, please cite the PhD Thesis; if you use it online, please reference this URL.

Cette création est mise à disposition sous un contrat Creative Commons "Paternité - Pas d'utilisation commerciale - Pas de modification".
This work is licensed under a Creative Commons "Attribution-Noncommercial-No Derivative Works" 2.0 France License.

---

<01 recto>
[001] Entre damoiselle Bonnaventure Louer femme et
[002] compaigne et espouze de noble homme Jehan Des Rouxieres
[003] comparue par maistre Berthelot Bodin son procureur
[004] d'une part, et Pierre Goheau escuyer seigneur du Pré
[005] nouveau deffendeur presant et comparu par maistre
[006] Guillaume Lebret son procureur d'aultre partye
[007] a ce que Bodin a demandé que ledict Lebret
[008] eust fourny et baillé respons au libelle luy
[009] intymé par Pierre Duboys sergent royal des
[010] le quinzeiesme jour de janvyer presant moys
[011] et an soulz le signe de maistre Mathurin de [??]
[012] avocat a esté dudict Lebret dict et soustenu
[013] que ladite Louer est myneure et en bas eaige
[014] partant incapable a ager sans l'auctorité de
[015] son curateur saulchun elle a et que de l'avoyr
[016] faict ajourner a ce jour qu'elle ne l'a peu fere
[017] A quoy celluy Lebret conclud et a despans dudict
[018] ajournement requerans que curateur soict baillé
[019] a ladite damoiselle d'aultant qu'elle ne y auroict pour
[020] meptre seurte au proces. A l'endroict a esté dudict
[021] Jehan des Rouxieres sur ce presant mary de ladite
[022] Lover lequel a dict et declaré auctoriser sadite
[023] femme et avec elle se joindra de voulloir
[024] assister au proces accordant bien que sadicte
[025] femme n'a exceddé et estre encores soubz le aige
[026] de vingt ans et par ce faisant dict ledict
[027] Bodin que ledict Lebret doibt passer oultre
[028] et repondre a sondict libelle a quoy dudict
[029] Lebret a esté dict ne scavoir et n'avoyr
[030] entendu que ladicte Lover feust ny soict
[031] mariée et convoller en mariaige avecq ledict des Rouxieres
[032] et requert commandement que pour tout ce ladite
[033] Lover compare ceans pour chaisir de curateur
[034] de ce interrogeant par serment ledict
[035] des Rouxieres de luy prins et receu le serment de
[036] dire verité a dict et juré estre marié avecques
[037] ladicte damoiselle Bonnaventure Lover et quel est
[038] tout comun et notoire en la parouesse en laquelle
[039] ilz ont espousé. Et partout ailleurs. Et quel y avoict
[040] grand numbre de gentilz hommes et aultres gens aux nopces
[041] et en offre informer. Et a celle fin faire venyr
[042] ceans a vendredy prochain des tesmoigns
[043] pour estre enquis et interrogez somairement
[044] de la notorité dudict mariaige, ce que ledit
[045] Lebret empesche insistant a ce que ladite
[046] Lover viene ceans pour estre a ce que dessus
[047] interroger. Sur quoy a esté ordonné sur
[048] la requeste faicte par ledict Bodin que
[049] celluy Bodin fera venir ceans audict jour de
[050] vendredi prochain des tesmoigns pour estre
[051] enquis et interrogez somairement dudict
[052] mariaige et de la notorité dicelluy. Et neaulmoigns
[053] viendra ladicte Lover pour estre de ce
[054] interrogée pour ce faict esre ordonné entre
[055] partyes comme de raison faict par la court
[056] de Nantes devant monsr le seneschal
[057] le lundi vingt troysiesme jour de
[058] janvyer l'an mil cinq cens cinquante huict.

Guischard